Archive for the 'Allment' Category

Direkte inne frå formannskapsmøtet: Det vart nettopp røysta, og dette framlegget frå Sp og H vart vedteke:

Luster kommunestyre syner til rådmannen si saksutgreiing med tilhøyrande vurderingar og vil gje uttrykk for at Luster kommune og Jostedal allereie er hardt belasta med kraftutbyggingar. Ut frå ei samla vurdering finn kommunestyret at dei vilkår kommunen er stilt i utsikt, ikkje er tilstrekkelege til at Statkraft Energi AS bør få konsesjon for dei omsøkte utbyggingane.

Framlegget vart støtta av Ivar Kvalen og Sølvi Fretheim Steig (Sp), Terje Bakke Nævdal (Høgre) og Bergljot Buskaker (Ap).

Anders Bolstad (Ap) og ordførar Torodd Urnes (Krf) fremja eit alternativt framlegg som gjekk ut på å tilrå ja til konsesjonssøknaden, men med ein del konsesjonsvilkår som tok utgangspunkt i kommunen sitt framlegg til utbyggingsavtale. Sjå sakspapira til kommunestyremøtet for detaljar.

Nyhendemeldingar om formannskapsmøtet:

• Luster kommune vil ikkje ha meir kraftutbygging i Jostedalen (NRK Sogn og Fjordane)
• Tvilte seg til nei (Sogn Avis)
• Luster kommune si offisielle melding om vedtak og mindretalsframlegg

I morgon skal kraftutbyggingssaka opp i formannskapet, og det har kome inn ei rekkje høyringsfråsegner til kommunen. Det har òg vore aukande omtale av saka i media (hovudsakleg Sogn Avis), seinast i dag. Me har no oppdatert oversikta over medieoppslag og høyringsfråsegner (både dei som er for og dei som er mot utbygging).

Dagens redaksjonelle oppslag om saka i Sogn Avis: Dalen mobiliserer mot utbyggjaren.

Aksjonsnemnda har i dag sendt følgjande uttale til Luster kommune og dei politiske partia i Luster. Fleire av partia skal ha møte om saka i morgon, måndag.

Last ned uttale frå aksjonsnemnda til kommunen (pdf)

Dei fleste som følgjer med på saka, har nok fått med seg at rådmannen går imot utbyggingsplanane. Tilrådinga hans til formannskapsmøtet 12. oktober kom onsdag 5. oktober, og framlegget til vedtak lyder ganske enkelt slik:

Luster kommunestyre syner til rådmannen si saksutgreiing med tilhøyrande vurderingar og kan ikkje tilrå at Statkraft Energi AS får konsesjon for:
1. Utbygging av Vigdøla kraftverk.
2. Overføring av Vestsideelvane og heving av Tunsbergdalsdammen.

Saksutgreiinga er på 19 sider, og ein bør ta seg tid til å lese ho om ein er interessert i saka. Dei sentrale peikarane og dokumenta i saka er her: Continue reading «Rådmannen tilrår ikkje utbygging»

Sogn Avis hadde eit stort oppslag om motstanden mot bygginga av Vigdøla kraftverk 31. august. Les: - Ikkje ta siste rest av elva vår.